Valga converterase o martes 16 no primeiro escenario do programa Baila con nós
AROUSA
Alecrín prevé establecer unha proposta permanente de baile como actividade saudable para todos cunha cota de 25 euros mensuais
11 sep 2025 . Actualizado a las 05:00 h.Valga será a primeira parada da nova edición de Baila con nós, iniciativa da asociación cultural Alecrín que busca difundir o baile como actividade saudable, individual e social.
O programa foi presentado na Casa do Concello polo director de Alecrín, Francisco Muñiz, xunto á segunda tenente de alcalde, Carmen Gómez, e o edil de Cultura, Pedro Calvo. A cita será o martes 16 na Casa da Cultura con dous obradoiros gratuítos: ás 20 horas un taller de Linedance aberto a quen queira iniciarse en ritmos como swing, bachata ou funky; e ás 21 un de baile social, en parella, con estilos estándar, latinos e tropicais. A inscrición, para maiores de 16 anos, pode facerse no 698 150 432 ou en talleralecrin@gmail.com.
Logo de Valga, os obradoiros chegarán a outras localidades do Barbanza, do Sar e de Santiago. O obxectivo é chegar a conformar grupos para programar cursos estables: «Queremos dar continuidade a estes obradoiros cun programa máis denso, con moitos máis bailes e unha cota de arredor de 25 euros mensuais», avanzou Muñiz.