Será este venres, ás 19 horas, na Casa das Formigas
06 feb 2025 . Actualizado a las 11:33 h.O prolífico escritor Ramón Caride presenta este venres en Cambados As superviventes (Xerais) nun acto que terá lugar na Casa das Formigas a partir das sete da tarde. As superviventes narra a historia de tres mulleres coinciden na sala de espera de urxencias do CHUS de Compostela unha madrugada calquera. Este imprevisto azar vai ter consecuencias impensadas en cada unha delas. Son veteranas de moitas guerras psíquicas e levan sufrido agresións físicas, sociais e farmacolóxicas. Con todo, non se consideran vítimas, cousas pasivas que se deixan facer e desfacer, e pelexan acotío para chegaren a ser quen queren.