Fernando Quintela presenta a serea pegada da «Introspección»

Paisaxes de luz e cor capaces de transmitir unha sensación de sereno fluír. Escenas apenas intuídas que invitan a suspender a desacougante velocidade do cotiá para rebuscar nun mesmo ancoraxes firmes, con vocación de permanencia e un xermolo procedente, probablemente, de tempos máis felices. Todo isto está presente en «Introspección», a nova colección das súas pinturas máis recentes que Fernando Quintela presentou onte na sala de exposicións do auditorio de Vilagarcía. Tempo de verán amplo para gozar dunha mostra que se algo require é un chisco de acougo e unha ollada limpa. Ata o 24 de xullo.

---

---

---