Xulio del Prado faise cun Open McDonald?s con 220 participantes no Auditorio de Vilagarcía
VILAGARCÍA DE AROUSA
O xadrez encheu cada recuncho do recinto durante toda a xornada do sábado
02 dic 2025 . Actualizado a las 21:23 h.Nin un alfinete cabía o pasado sábado nos corredores e nas salas do Auditorio de Vilagarcía, ateigados con decenas de mesas de xogo coroadas de taboleiros nos que 220 xadrecistas disputaron a derradeira proba federada de Galicia neste 2025 en retirada.
O Mestre FIDE Xulio del Prado fíxose co título do Open McDonald’s tras completar as súas sete roldas invicto, con Manuel Cernadas segundo e con Óscar Fernández pechando o podio, rematando o local Luca Rey no cuarto posto.
Nas categorías base do torneo organizado polo Club Xadrez Fontecarmoa, derradeira proba puntuable para o Circuíto Galego de Promoción, o pontevedrés Martín Lema gañou a categoría promesas, Yago Brea, do Xadrez Mos, a benxamín, Javier Lema, do EX Pontevedra, a alevín, e Mateo Pérez, do Lucena de Vigo, a infantil.