Súas Cortiñas constitúe un topónimo preservado grazas á tradición oral. No termo cortiñas, a través da sufixación ?iño/?iña, estriba o diminutivo de cortes. Este vocábulo provén de cohortes, acusativo plural do latín cohors, ?rtis. Intégrano o prefixo co? e o radical hort?, a expresaren as nocións de agrupamento e lugar cercado, respectivamente.
Na súa acepción primitiva, o substantivo refírese a unha horta valada onde recoller o gando. Por extensión, apelou tamén ao emprazamento onde os próceres se xuntaban para departir sobre asuntos de interese social.
Posteriormente, designou o órgano constitucional que desempeña, entre outras, funcións lexislativas. Atendamos á evolución do significado, a cal responde a unha progresión atinada.
En Súas Cortiñas atopábase o núcleo do barrio palmeirán da Arrochela, alcumado popularmente Gran Vía. Mesmo se lle dedicaba unha cantarea: «La calle de la Gran Vía no la pasean los ricos. / La pasean los Cafundos, los Pardiños y Piritos».