Os interesados en participar teñen a oportunidade de apuntarse de forma gratuíta a través da páxina web da Nova Escola Galega
13 may 2025 . Actualizado a las 17:38 h.A Comisión pola Recuperación da Memoria Histórica do Barbanza, en colaboración co Concello de Rianxo e a Asociación Cultural Barbantia, entre outras entidades; promove un seminario destinado a persoal docente para afondar na represión vivida durante a Guerra Civil na poboación xeral e, especialmente, na de Rianxo e Santiago de Compostela.
O obxectivo da actividade, que se levará a cabo no IES Félix Muriel de Rianxo e en Lavacolla, persegue posibilitar un mellor coñecemento do pasado recente e provocar unha actualización dos coñecementos sobre os temas abordados. Ademais, coa iniciativa búscase colaborar na consolidación de actitudes e hábitos de tolerancia e de defensa dos dereitos.
O programa dos seminarios, que vai dende o 6 ao 7 de xuño, contempla múltiples conferencias a cargo de expertos en distintas disciplinas.
Entre os poñentes estarán María Fernández, investigadora da USC; Carlos Labraña, dramaturgo; os historiadores Xesús Santos, Víctor Santidrián e José Álvarez; Rosalía Macías, xornalista; Ana Tarrío, profesora da USC; ou Antonia Pérez presidenta da Agrupación Cultural o Galo. Ao seminario tamén asistirán familiares de persoas que foron represaliadas durante a Guerra Civil.
Os interesados en participar teñen a oportunidade de apuntarse de forma gratuíta a través da páxina web da Nova Escola Galega. Para participar hai dispoñibles 50 prazas que se adxudicarán por estrito orde de inscrición. A valoración en horas para os docentes que acudan ao seminario será de 12, homologadas polas Xunta de Galicia.