Trece centros educativos da Costa da Morte impulsan a campaña «Falemos + galego»
CARBALLO
A iniciativa parte do orgullo de pertencer a esta comarca e busca remover conciencias e xerar estímulos para un maior emprego deste idioma
09 mar 2024 . Actualizado a las 18:46 h.Centros educativos de secundaria, bacharelato e FP da Costa da Morte veñen de lanzar Falemos + galego, campaña conxunta a prol deste idioma. A base de todo: o orgullo de ser da Costa da Morte, galegofalante. Como fins, remover conciencias e xerar estímulos para o maior emprego desta lingua. Consta a campaña de dúas partes, a primeira xa en marcha, un concurso en cada centro na procura dun lema e logotipo acaído para a iniciativa, acompañado dun brevé vídeo pora mover por redes. Esta fase concluirá nos días previos ao 17 de maio. Xa o 20 de xuño, e esta é a segunda parte, haberá unha gala á que chegará a proposta seleccionada en cada centro por un xurado alleo. De aí sairá a elixida globalmente: será en Cee.
Fernando Blanco (Cee), Agra de Raíces (Cee), Fin do Camiño (Fisterra), Nuestra Señora del Carmen (Fisterra), Ramón Caamaño (Muxía), Terra de Soneira (Vimianzo), Pedra da Aguia (Camariñas), Maximino Romero (Baio), CPI de Zas, Cabo da Area (Laxe) e IES Eduardo Pondal (Ponteceso) son os centros promotores, xunto con Lamas de Castelo (Carnota) e A Picota (Mazaricos).