Continúan os actos de graduación, logo de que os alumnos que rematan sexto de grao profesional ofrecesen onte un recital de despedida
20 may 2025 . Actualizado a las 05:00 h.Clara e Cristian, estudantes de violín; Samuel e Sasha, de percusión; Dalia, de clarinete; Iria, de frauta, e Manuel, de piano, son os sete alumnos de sexto curso de grao profesional do conservatorio de Carballo que se graduarán este ano e que onte participaron nun recital no auditorio do Pazo da Cultura.
Hoxe, martes, recibirán o seu diploma nun acto de graduación xunto a alumnado de cuarto de grao elemental. Terá lugar no mesmo espazo e será ás seis da tarde, con actuacións da orquestra e da banda de elemental, así como de distintas agrupacións formadas por estudantes do derradeiro tramo da formación profesional. O xoves, por outra banda, graduaranse os pupilos de iniciación musical. O acto está previsto para as seis da tarde e celebrarase, así mesmo, no Pazo.