Será este xoves 29 de maio, de 09.30 a 13.30 horas, no pavillón da localidade ceense
28 may 2025 . Actualizado a las 05:00 h.O instituto Fernando Blanco de Cee programou para este xoves 29 de maio a terceira edición do Día da Ciencia na Rúa. A actividade transcorrerá entre as 09.30 e as 13.30 horas, no pavillón da localidade, e nela alumnado de distintos centros explicará máis de trinta experiencias vinculadas ao campo da ciencia, a tecnoloxía, as matemáticas, os primeiros auxilios ou a mecánica dos coches. Concretamente, serán seis os institutos da Costa da Morte participando: ademais do anfitrión, o Agra de Raíces (Cee), o Manuela Rial (Cee), o Ramón Caamaño (Muxía), o Fin do Camiño (Fisterra) e o Lamas de Castelo (Carnota). Pasarán durante a mañá polo pavillón uns 500 rapaces e rapazas, estando ademais aberto a toda persoa que desexe achegarse.