![](https://img.lavdg.com/sc/OedW4BO7dsbgkCT06oPmJcMzR_8=/480x/2023/05/17/00121684334164325481232/Foto/C17Y3063.jpg)
![](https://img.lavdg.com/sc/tyP5nEBCWKCu2CT529Z7fkcKi38=/480x/2023/05/17/00121684334041497385388/Foto/C12Y3086.jpg)
![](https://img.lavdg.com/sc/8EAwDM_UG4jjjpf02GyFCyIxRJE=/480x/2023/05/17/00121684334041907595738/Foto/C17Y3041.jpg)
![](https://img.lavdg.com/sc/SXuc39l4ZgsjupZxc2xbdpNMDGo=/480x/2023/05/17/00121684334101477791895/Foto/C17Y3042.jpg)
![](https://img.lavdg.com/sc/M4x7F4v_Pz2R90zs4ojbjERUKIo=/480x/2023/05/17/00121684334101831746335/Foto/C17Y3044.jpg)
![](https://img.lavdg.com/sc/z4h8fKswCy96s70Sp14vBO33OR4=/480x/2023/05/17/00121684334102176282107/Foto/C17Y3045.jpg)
![](https://img.lavdg.com/sc/DZuI6Q2GvqTxXPSHoSAeODHnRiQ=/480x/2023/05/17/00121684334102514858951/Foto/C17Y3046.jpg)
![](https://img.lavdg.com/sc/YNuG2PeqbuCl8uPEYrZ6w3gaFUU=/480x/2023/05/17/00121684334102859183803/Foto/C17Y3047.jpg)
![](https://img.lavdg.com/sc/1s7Q5s3U6ym-WoV9JJ9d6_w3MOc=/480x/2023/05/17/00121684334103175960490/Foto/C17Y3048.jpg)
![](https://img.lavdg.com/sc/aDvKh6dt2ZCbDdmt1wA9FHQLnhM=/480x/2023/05/17/00121684334103469538638/Foto/C17Y3049.jpg)
![](https://img.lavdg.com/sc/VHV7co5q8dF7vQj1ZBUcyQa8E34=/480x/2023/05/17/00121684334161964326131/Foto/C17Y3050.jpg)
![](https://img.lavdg.com/sc/g-3X_AbvG_0KKvwbvMtbX66n3cQ=/480x/2023/05/17/00121684334162322150279/Foto/C17Y3051.jpg)
![](https://img.lavdg.com/sc/3PV8ezpRU4krt6B9ByKlMgDGT78=/480x/2023/05/17/00121684334162703696234/Foto/C17Y3053.jpg)
![](https://img.lavdg.com/sc/DZe1OjQOn2GGy61LHYaes5FJVtw=/480x/2023/05/17/00121684334163051383234/Foto/C17Y3056.jpg)
![](https://img.lavdg.com/sc/MYBbhQ56WI6OuvppbQbDli2iLjU=/480x/2023/05/17/00121684334163356288226/Foto/C17Y3058.jpg)
![](https://img.lavdg.com/sc/2zxGsbZ-S119iKB02lrirU-QLE8=/480x/2023/05/17/00121684334163674564249/Foto/C17Y3060.jpg)
![](https://img.lavdg.com/sc/LKRGeq8-R8VjCbI-zf8M6vCaMN4=/480x/2023/05/17/00121684334163987992359/Foto/C17Y3061.jpg)
![](https://img.lavdg.com/sc/O5hXhSNDHvNgV9wedEVWdeRUCR8=/480x/2023/05/17/00121684334164666551736/Foto/C17Y3065.jpg)
![](https://img.lavdg.com/sc/gKi2_D7VztOvlC6T5JHgTvC7iA0=/480x/2023/05/17/00121684334164974974384/Foto/C17Y3072.jpg)
![](https://img.lavdg.com/sc/iByg2kX8uB7EasRRMIrd9haXgpE=/480x/2023/05/17/00121684334165279445892/Foto/C17Y3073.jpg)
Os actos de O Dezasete comezaron en Ponteceso coa inauguración do mural feito por Mutante Creativo
17 may 2023 . Actualizado a las 23:01 h.17 de maio, Día das Letras Galegas, e no Couto, en Ponteceso, botou a andar a programación de O Dezasete. Fíxoo ao pé da entrada desta aldea donde, xa para sempre, trasladada a arte e cor, quedará a pegada de amor que Neira Vilas, Anisia Miranda e Isaac Díaz Pardo deixaron nesta terra. Un mural de Mutante Creativo, retratando ao icónico Balbino, quedou inaugurado esta mañá coa intervención da docente e «Balbina» Tamara Lema, quen estendeu o título de nenos e nenas de aldea a todos os presentes, desprazados dende a sede da Fundación Pondal seguindo o camiño musical aberto pola banda de gaitas Inllar.
Lema, quen trasladou toda a alma das primeiras páxinas de Memorias dun neno labrego á súa intervención, deulle paso a Fernando Redondo, presidente da Fundación Neira Vilas. «Non deixo de sorprenderme da fonda pegada que Pepe Neira e Anisia deixaron nesta terra. Vin moitas veces, e non deixo de sorprenderme», afirmou aludindo ao impacto que lle produciu o traballo de Mutante. A creación reproduce a portada de Memorias dun neno labrego, autoría de Díaz Pardo, en Edicións do Castro. Redondo repasou traxectorias e caracteres destes tres grandes amigos que foron Neira, Miranda e Díaz Pardo. Neira, o autor de Memorias dun neno labrego, pero tamén o de máis de 70 títulos, capaz de escribir en galego sobre os indios da Patagonia. Anisia, escritora, non «tamén escritora», a rapaza que con cinco anos lle esixiu aos seus pais ser educada en lectura e escrita, a muller que quixo aprender o galego, a lingua primeira dos seus proxenitores emigrados en Cuba. Isaac Díaz Pardo, o grande divulgador do traballo de Neira na emigración, xunto con Alonso Montero. Ficarían felices vendo dende a aldea de Gres, en Vila de Cruces, o vivido este mércores no Couto. Gres, tamén espazo literario, tamén este 17 de maio de festa.
Rematou o acto inicial de O Dezasete con Ai amor, a peza que sempre pedía Neira nunha festa. Un instante para o recordo da man de dúas integrantes de A Quenlla, «un trozo de cacho de pedazo da Quenlla», como diría Mero Iglesias, de quen disculparon a súa ausencia por motivos de saúde do seu entorno.