«Habémoste de botar moito a faltar. O mundo sen ti é máis escuro e triste»
05 mar 2025 . Actualizado a las 15:33 h.Moi afectados pola morte tan temperá da nosa Paula fixemos un ramiño de mirtos e camelias, un leito sin espiñas para ela, tan fermosa. Nacendo na pequena Ponteceso amou e traballou polo seu Lugo, que a adoptou como filla própia e a fixo con honores a súa Alcaldesa.
Era unha avogada e unha servidora pública vocacional. Muller sempre de diálogo, acreditaba que no acordo gañamos todos. E no personal sabía crear ambientes onde todas as persoas nos sentíamos cómodas, valoradas e como na casa.
Hoxe, en Tella (Ponteceso) dámoslle a súa despedida, entre toda a xente que ela amou, axudou como avogada e disfrutou en armonía desde nena.
Paula, habémoste de botar moito a faltar. O mundo sen ti é máis escuro e triste.
Boa viaxe e até pronto!
Este venres, día 7, ás 7 da tarde, haberá unha misa-funeral na súa memoria.