O Teatro Rosalía acollerá o vindeiro xoves 3 de abril a gala, que tamén se poderá seguir a través da canle de Youtube dos galardóns
28 mar 2025 . Actualizado a las 12:52 h.O Teatro Rosalía acollerá o vindeiro xoves 3 de abril a gala dos XXIX Premios María Casares —poderá seguirse tamén na canle de Youtube dos premios— na que se renderá tributo aos diferentes oficios que conforman o mundo do teatro e a vida itinerante dos seus artistas. A imaxe dunha furgoneta dunha compañía teatral protagoniza o cartel desta edición, obra de Sonia García, e fai referencia tanto á contemporaneidade como ao concepto clásico das compañías ambulantes e cómicas. «Temos unha sensibilidade especial polo teatro e a dramaturxia, por iso contamos na cidade con ciclos de gran prestixio como o Principal, do Rosalía, que esta fin de semana terá tres cheos consecutivos coa aobra 1936», indicó el concejal de Cultura e Turismo, Gonzalo Castro, que presentou a gala xunto a Fernando Dacosta, director desta edición; Jacobo Sutil, director de la Axencia Galega de Industrias Culturais (Agadic); Natividade González, deputada de Cultura, y Arantza Villar, presidenta da Asociación de Actores e Actrices de Galicia (AAGG).
Nesta edición, un total de 17 espectáculos aspiran a conquistar os Premios María Casares. Destacan Sarabela Teatro, que optará a 15 galardóns, entre eles, dirección, espectáculo e as catro categorías de interpretación, pola obra O dragón de ouro. ButacaZero e a súa obra Iribarne aspira a 12 premios. Estas dúas obras competirán polo premio a mellor espectáculo xunto a Go Home, de Etiqueta Negra.
Os actos e as profecías, obra coa que o Centro Dramático celebrou o seu corenta aniversario, pelexará en catro categorías como tamén o fará en idéntico número de apartados As gardiás ou o nó do tecelán, montaxe coa que regresou Teatro de Ningures á produción escénica. Cinco pezas aspiran a dous premios: Monstros, de Producións Teatráis Excéntricas; O mundo está roto pero pódese camiñar, de Contraproducións; Eu, fraude!, de Paula Pier; Non pasarán e Pum! Pum! Quen hai?, as dúas de Ártika Cía.
Nada se sabe, coprodución de Culturactiva co Centro Dramático Galego, aspira a un galardón, como tamén Apaga o Candil, de Contraproducións; Sobre o extravío ou a arte de perderse, de Furia Sotelo e Rogelio III (La fête), de Assircópatas, que se disputará o premio ao mellor espectáculo infantil cos xa citados Monstros, O mundo está roto pero pódese camiñar e Pum! Pum! Quen hai?.
Por último, tres obras son finalistas no apartado de espectáculo de monicreques, obxectos e figuras animadas: Os contos do Lobicán, de Redrum Teatro; Moby Dick, de Pedras de Cartón, e Gaia Baba, a meiga, de Nauta Teatro.
Lembranza a Xabier Deive
O acto Xabier Deive, falecido en xullo do ano pasado, recibirá a título póstumo o Premio de Honra Marisa Soto para celebrar a súa traxectoria. Deive, un rostro ben coñecido para o público galego, antes de iniciar a súa traxectoria como actor, exerceu como técnico e coñeceu á perfección os estamentos do sector teatral. Ademais foi o presidente da AAAG entre 2019 e 2021, anos especialmente complexos para o oficio por mor da pandemia. Durante a gala, tamén se lerá o Manifesto Galego do Día Mundial do Teatro que neste 2025 asina a xornalista Belén Regueira, decana do Colexio Profesional de Xornalistas de Galicia.
Ademáis, respecto ao equipo artístico, Dacosta será o encargado de dirixir un elenco formado por seis actores da compañía Sarabela Teatro: Elena Seijo, Sabela Gago, Belén Constenla, Josito Porto, Fernando González e Víctor Mosqueira. Vadim Yuknevich encargarase da música, mentres que o vestiario correrá a cargo de Tegra e Lele. José Bayón e Rubén Dobaño encargaranse as tarefas de iluminación e son, e Héctor Martínez exercerá como auxiliar de dirección. Marta Horjales asume a produción executiva dos Premios María Casares.