Un dos concertos é no mítico teatro da ópera de Sydne
28 feb 2019 . Actualizado a las 14:02 h.A gaiteira e pianista ourensá Cristina Pato fai vinte anos de carreira profesional como solista coa súa primeira xira por Oceanía, na que ofrecerá oito concertos en Australia e Nova Celandia. Acompañarase do Silkroad Ensemble, formación fundada polo cellista Yo-Yo Ma. E comezará o vindeiro domingo na cidade de Perth, para continuar en Brisbane, Sydney, Adelaide, Auckland e New Plymouth.
Un dos concertos é no mítico teatro da ópera de Sydney. Catro teñen lugar en dúas edicións do maior festival de músicas do mundo, WOMAD, fundado por Peter Gabriel, nas súas sedes de Adelaide (Australia) e New Plymouth (Nova Celandia), onde rematará a xira o 17 de marzo. Ao regreso dos Antípodas inicia outra rolda de actuacións por Estados Unidos o 28 de marzo en Winston-Salem, que prosegue en Athens, Augusta, Nashville, Bowling Green, Winchester, Santa Barbara, Northridge, Irvine, Berkeley e que pecha en Washington o 5 de maio. E, no medio, un concerto coa súa propia banda o 11 de abril en Vancouver, Canadá.