Con toda a familia do Ingleses R.C. nas gradas de Fontecarmoa oficiando de testemuña, o primeiro plantel feminino de rugbi 15 na historia do club vilagarcián fixo a súa estrea oficial o pasado sábado. Fíxoo superando 15-10 o Muralla Lugo para alborozo do respetable, que víu como o seu equipo pasaba do lóxico nerviosismo inicial a tutear a un rival máis experimentado.
As pupilas de Jacinto Campos Cachopo e de Diego López abriron o camiño do éxito cun ensaio na primeira xogada de Virgina. Ela foi a gran protagonista ao anotar os 15 puntos locais remontando o 5-10 que campaba no marcador no minuto 37 con outros dous ensaios no 50 e no 62.
A histórica aliñación arousá contou con Lucía Chaulet, Marta Ríos, Eva Mosquera, Susana Suárez, Eva Plans, Marjorie Allo, Silvia Pérez, Virginia Padín, Noelia Cuevas, Jénnyfer Oubiña, Begoña Pernos, Erika Darriba, Alba Gómez, Ana Elíes, Sara Fernández, Lucy Vilar e Mónica Alonso.