Os institutos Afonso X, de Cambre, e Salvador de Madariaga, de A Coruña, organizaron a actividade musical
18 mar 2025 . Actualizado a las 16:52 h.Centos de rapaces de cinco institutos da provincia da Coruña participaron onte nunha iniciativa organizada por dous centros: o IES Afonso X o Sabio (Cambre) e o IES Salvador de Madariaga (A Coruña). O encontro tivo lugar no centro cívico Ágora, na cidade herculina, e ademais dos rapaces dos institutos convocantes participaron alumnos do IES María Casares (Oleiros), IES de Ortigueira e IES Xelmírez I (Santiago de Compostela).
Este encontro de coros escolares estase a converter nun referente de boas prácticas para que o alumnado dos devanditos institutos experimente a música en comunidade e fomenta a colaboración, a expresión artística e o traballo en equipo.
A música coral é un espazo perfecto para que o alumnado poda mostrar o seu talento, e por iso o encontro foi unha ocasión para gozar da música en directo e valorar o esforzo da mocidade que traballa nos seus centros todo o ano.