Os lectores poden gozar da súa lectura xunto ao parque Rosalía de Castro, ou levar algún exemplar para casa sempre que deixen outro no seu sitio
12 feb 2025 . Actualizado a las 05:00 h.Xunto ao parque Rosalía de Castro, o Concello de Ares acaba de instalar a súa Casiña dos Contos. Trátase dunha minibiblioteca con libros infantís, xuvenís e de adultos «para facer que a literatura chegue ao maior número de recunchos posibles». A presentación correu a cargo de Alma Barrón, concelleira de Cultura, que destacou a posibilidade de «gozar de boas historias nunha contorna natural agradable».
O funcionamento consiste en que o usuario poderá «coller calquera conto que estea dentro, gozar del ao aire libre e devolvelo posteriormente á casiña».
A maiores, se o lector queda enganchado dalgunha historia pode levar o libro para casa coa condición de deixar outro no seu sitio. O mobiliario creouse no obradoiro Reinicia X.