O grupo folk Böj e o mago Antón actuarán no encontro, que chega á edición 35
20 ago 2025 . Actualizado a las 05:00 h.Xan Rodríguez Silvar, biólogo da Sociedade Galega de Historia Natural (SGHN), será o pregoeiro da trixésimo quinta edición da Festa do Requeixo da Capela, o día 31. O último domingo de agosto empezará coa apertura dos postos da feira (11 horas) e pasarrúas con Silbarda.
Ás doce comezará a venda de tiques e o reparto de tarrinas de requeixo. Actuará o mago Antón (12, 17 e 18.30), haberá exposición de produtos artesanais todo o día e obradoiros infantís de elaboración de sobremesas con requeixo (12) e de decoración coa técnica decoupage (17).
No apartado musical, actuarán o grupo folk Böj (14), Cantaberneiros (16) e a banda de gaitas de Airiños de Fene (19.30). Tamén se sortearán agasallos (18) e oficiarase a misa (12.30), xusto antes do pregón. Organiza a Cooperativa de Campo Capela e colaboran Concello e Deputación.