Feira de empresas e talento no campus mañá, que tamén acolle dúas mesas redondas

O pavillón municipal de Esteiro acolle mañá a segunda edición da Feira de Empresas e Talento Festalent. Dende as dez da mañá ata as 14 horas e de 15 a 18.30 horas, as máis de 40 empresas e institucións, da man do Campus Industrial da Universidade da Coruña que promove, un ano máis, participan nunha iniciativa que pretende darlle visibilidade e tecer pontes de contacto co alumnado universitario que está a buscar a súa primeira oportunidade laboral.

Neste espazo, e como novidade nesta segunda edición, haberá un córner dedicado exclusivamente ao emprendemento no que o público asistente poderá coñecer de primeira man tres proxectos nados no Campus Industrial de Ferrol. Por outra banda, o salón de actos Concepción Arenal do Campus Industrial de Ferrol acolle, de xeito paralelo, tamén de dez a dúas da tarde horas, unha conferencia sobre emprendemento impartida pola cofundadora da empresa de enxeñaría CESAC, Soledad Somoza; dúas mesas redondas centradas no papel dos colexios profesionais e nas perspectivas de emprego sectorial desde o punto de vista da empresa, respectivamente, así como un obradoiro de marca persoal impartido pola fundadora de Strategia Online e EME Escuela de Marketing, Begoña Rodríguez. A primeira mesa comenzará ás dez, mentres que a segunda iniciarase en torno ás 13 horas.

---

---

---