Foron compañeiros en aventuras culturais que se recordarán nunha gala o día 17
08 feb 2017 . Actualizado a las 11:33 h.Xosé Lastra Muruais foi director do Masdias, pero xa está retirado, e xunta un grupo de profesores e activistas literarios poñen en marcha unha homenaxe ao escritor Agustín Fernández Paz. A primeira vez que coincidiron foi no 1978, cando se puxo en marcha Avantar, obra dun grupo de mestres que despois confluíu con outras iniciativas de Galicia e deu orixe a Nova escola galega. Xuntos tamén crearon a exitosa colección de literatura infantil Merlín e moitas outras aventuras culturais que se recordarán na homenaxe que preparan para o día 17 no Auditorio.
-A Fernández Paz coñéceselle máis nas aulas pola súa traxectoria literaria...
-Tivo sempre unha presenza moi activa na renovación pedagóxica en Galicia e noutros sitios nos que estivo, en Barcelona, na Coruña e no País Vasco. Estivo no movemento cooperativo, despois en Avantar e na Nova escola. Foi un profesor moi renovador, porque tiña moi ben estudiadas técnicas de escritura e lectura ou obras como A gramática da fantasía de Gianni Rodari. Era un renovador da educación e tamén apostaba pola defensa da lingua galega.
-¿Cando comenzou a ser máis coñecido polos seus libros ?
-No ano 1989 gañóu o Merlín e comezou unha carreira literaria ben importante. Eu estaba, precisamente, no xurado que lle deu o galardón por Flores radiactivas. Dentro do ámbito das letras infantís e xuvenís é a figura máis salientable de Galicia.
-¿Que tiña?
-Agustín tiña un grande dominio de como chegar aos rapaces con historias. Era un gran escritor, cunha gran cultura, pero xa na época que estabamos en Avantar facía unhos textos pedagóxicos que conectaban moi ben cos rapaces. En Mugardos facía clases a partir de textos con personaxes que inventaba para a aula. Por eso segue a estar nos centros de toda Galicia e nas casas, onde xa hai pais e nais que leron e disfrutaron as súas obras.
-A gala títulase «O rastro que deixamos»...
-Era imprescindible recordalo na comarca, aquí estivo dende o 79 ata os años 90.