Dirección: Cary Joji Fukunaga
Duración: 120 minutos
Intérpretes: Mia Wasikowska, Michael Fassbender, Jaime Bell, Judi Dench, Rally Hawkins, Imagen Poots
Distribuidora: A Contracorriente Films.
Jane Eyre escapa de Thornfield House, onde traballa como institutriz contratada polo acomodado Edward Rochester. A illada mansión, así como a frialdade do Sr. Rochester, poñen a proba a resistencia e fortaleza da rapaza, educada nun orfanato.
Ó reflexionar sobre o seu pasado e recupera-la súa curiosidade natural, Jane regresará á casa de onde saíu e ó terrible segredo que esconde o seu dono.
É a historia dunha muller en constante movemento desde a quietude máis chamativa; é unha muller tan incomprendida e maltratada na súa nenez que deixan patente a súa sede de amor e coñecemento.
É un bo film onde se nos invita a adentrarnos no mundo interior da protagonista, onde as emocións se transmiten a través da contemplación, a introspección e contención. Logra que o espectador empatice cunha muller que o único que quere é ser amada e amar, vivir e admirar cómo viven os demais, buscar, aprender, coñecer... en definitiva, ser.