O capitán do Celta en Amorebieta comentou que o partido de Urritxe lle lembrara a algúns de Barreiro co filial céltico
07 ene 2024 . Actualizado a las 16:40 h.O capitán do Celta fronte ao Amorebieta, Kevin Vázquez, sinalou á conclusión do partido de Copa fronte ao Amorebieta que sabían o que ían topar en Urritxe. «Na anterior eliminatoria xa foi similar o terreo de xogo e este, encharcándose, máis aínda. Era unha guerra, saímos ben a disputala e conseguimos a vitoria e o pase á seguinte rolda», celebrou.
Considera que interpretaron mellor o xogo na segunda metade tras unha primeira na que lles «custou ir aos espazos». «Non podiamos xogar por dentro, non podiamos conducir o balón», analiza. Pero na segunda metade foron quen de convivir mellor con estas condicións a base dun «mediocampo un pouquiño máis agresivo», o que lles levou a remontar o cruce.
Vázquez resume o encontro como «un partido de moita disputa» que lle traía á memoria os seus tempos no filial. «Recórdame aos partidos en Barreiro, cando estaba todo embarrado. Gústanme eses encontros, son moi disputados, aínda que non sexan bonitos para ver. É outro tipo de fútbol ao que hai que adaptarse canto antes e creo que todos o fixemos». Para el, foi «un gran encontro, con algúns erros, pero o importante é a vitoria e o pase».