? municipio do Courel celebra hoxe a edición número dezanove da súa Festa da Castaña, que ten como escenario o Souto da Carroza, en Folgoso. O pregón do festexo será pronunciado á unha do mediodía por Martín Barreiro, periodista de Televisión de Galicia con raíces familiares na zona. Sobre a mesma hora comezará unha degustación de castañas asadas, na que se ofrecerán aos visitantes cerca de catrocentos quilos deste froito. Por outra parte, en locais cercanos ao lugar de celebración da festa haberá senllas exposición de produtos artesanais locais e de fotografías da Serra do Courel que foron presentadas a un certame organizado pola asociación cultural A Coroa. O programa completarase con diversas actuacións musicais e folclóricas que se sucederán ao longo da xornada. Algúns restaurantes da zona incluirán no seu menú pratos elaborados con castañas. Segundo explicaron os responsables municipais, o festexo contará coa presenza dos conselleiros de Traballo e Medio Ambiente, do subdelegado do Goberno, de varios diputados provinciais e autonómicos e de alcaldes de diversos municipios da provincia.