Ademais da proxección de Blade Runner , nas xornadas poderanse ver os filmes Concursante , de Rodrigo Cortés (días 23); La fuente de la vida , de Darren Arofnovski (día 24); ¿Quién dice que es fácil? , de Juan Taratuto (día 29); Quinceañera , de Richard Glatzer e Wash Westmoreland (día 30) e Cartas desde Iwo Jima , de Clint Eastwood (día 31). Todas estas proxeccións comezarán ás 22.30 nos multiucines Hollywood.
Por outro lado, entre os días 25 e 26 desenvolverase un festival de curtas galegas. O primeiro día veranse as películas Bobo furcia , O río ten mans , Ciclo , A escola das areas e Os defuntos falaban castelao . Ao día seguinte proxectaranse as fitas Di algo , Trofeo , Xinetes na tormenta , Toro e O trasto . As proxeccións serán ás 21 horas na Casa de Cultura.