Unha asociación local acaba de pór en marcha unha escola de música que servirá de canteira para recuperar esta formación
19 sep 2019 . Actualizado a las 18:57 h.
Taboada terá este curso unha escola local de música. A asociación cultural Xoán Montes pon en marcha este centro co obxecctivo de que sirva como base para recuperar a banda de música de Taboada, que leva un tempo sen actividade. O prazo de matrícula xa está aberto.
A asociación Xoán Montes é a entidade que estaba detrás da banda de música de Taboada, que despois dunha longa traxectoria cesou a súa actividade hai algo menos de dous anos. Os responsable da asociación queren recuperar e banda e para conseguilo decidiron pór en marcha unha escola de música que sirva de canteira para esta formación. "A Escola de Música de Taboada Xoán Montes -anuncian este xoves os responsables desta asociación- ponse en marcha coa intención de achegarlle a música a todos e todas aqueles que desexen recibir ensinanzas musicais e, sobre todo, co propósito de formar músicos para recuperar e darlle pulo á Banda de Música de Taboada".
A escola de música de Taboada disporá de profesores especializados que impartirán materias de todos os instrumentos de vento e percusión. Se hai demanda tamén se poderá ampliará a oferta a piano, guitarra ou acordeón. "E nun futuro -engaden na asociación- de cara á música tradicional e grupos de pop ou rock para que todas as agrupacións poidan ter cabida".
Este proxecto que promove a Asociación Cultural Xoán Montes estará liderado polo músico profesional Miguel Franqueiro, director da banda de música de Sober e recentemente seleccionado como intérprete de tuba pola orquestra do teatro La Scala, de Milán. Franqueiro ten una ampla experiencia como profesor de música en cursos e escolas de toda Galicia.
Os interesados en matricularse ou en obter máis información poden facelo mediante o correo electrónico ao enderezo musicataboada@gmail.com ou no número de teléfono 620222561.