Será o próximo 8 de agosto e contará en total con cinco bandas
27 jul 2025 . Actualizado a las 11:52 h.A veterana banda Heredeiros da Crus é unha das formacións que actuarán o próximo 8 de agosto na Festa da Mocidade de Taboada, que marca o inicio das patronais da capital deste municipio. Outros grupos que participarán no festival son Quinkillada, Os Residuos Radiactivas, Rastreros e The Palangans.
Como é habitual, a Festa da Mocidade finánciase coa axuda dos patrocinadores e coa venda de camisetas. O custo comprende unha cervexa, un calimocho e unha cea a base de bolo preñado, empanada e torta de chocolate. As camisetas pódense adquirir nos establecementos Café Bar Mario, Café Santa Lucía, Bar Devezo, ScalaTaboada, Bar Rian e Distribucións Casa Guillermo. Custan 16 euros ata o 31 de xullo e a partir desa data, 19 euros. A primeira edición da Festa da Mocidade celebrouse no 2017.
A presentación oficial da nova edición será este mércores ás 12.00 no campo da feira de Taboada. No acto participarán representantes das entidades patrocinadoras do festival, que son o Concello, a Xunta e a Presidencia e a Vicepresidencia da Deputación.