? goberno local do Courel e as asociacións que apoian a proposta opinan que é necesario tomar medidas para fomentar o aproveitamento turístico dos extensos soutos da serra e a conservación da cultura tradicional vinculado ao castiñeiro. Neste sentido, consideran particularmente necesario recuperar os antigos camiños rurais que comunican as aldeas e os soutos, indicando que esta iniciativa non só facilitaría os labores de mantemento e recollida de froitos, senón que serviría para crear rotas turísticas a pé. Así mesmo, a proposta menciona a conveniencia de restaurar e conservar as construccións tradicionais ligadas ao mundo da castaña e dos soutos, que constitúen unha parte importante da arquitectura tradicional do Courel, como os sequeiros, as ouriceiras, as albarizas e os muíños. As axudas oficiais que solicitan o Concello e as asociacións destinaríanse tamén a financiar a organización de xornadas de demostración e promoción da castaña e doutros produtos dos soutos. No municipio xa se celebran desde hai varios anos a Festa da Castaña do Courel e a Pisa da Castaña de Froxán.