Malores Villanueva e Patricia Arias analizarán en Lugo a figura de Francisco Fernández del Riego
LUGO
Será nun acto que se celebrará este xoves 26 de outubro e organizado polo Club Valle Inclán
25 oct 2023 . Actualizado a las 11:32 h.O Club Cultural Valle-Inclán celebra as Letras Galegas de 2023, dedicadas pola Real Academia Galega ao laurentino Francisco Fernández del Riego. Nos últimos anos, o colectivo lucense programou esta actividade no derradeiro trimestre, «cando semella que xa se olvidou a festa, moi viva nos primeiros meses do ano»
Este xoves, día 26 de outubro, desenvolverase o coloquio que leva por título «Francisco Fernández del Riego, un lugués universal», no que actuarán de relatoras Malores Villanueva Xesteira e Patricia Arias Chachero, especialistas no estudo, análise e divulgación da vida e da obra de Fernández del Riego.
Ambas son profesoras de secundaria da asignatura de Lingua e Literatura Galega, escritoras e investigadoras de recoñecido prestixio no eido cultural de Galicia.
O acto celebrarase no salón de Actos do Centro Cultural O Vello Cárcere, ás 19.30 horas. A entrada é libre. «Invitamos a asistir a cantas persoas estén interesadas no tema». O Valle Inclán completa a celebración coa edición dun marcador de libros, «que repartiremos entre os asisentes, e unha viaxe pola Lourenzá de Don Paco na que participará un nutrido grupo de socios do Valle-Inclán».