![Imaxe da estrea de «O porco de pé» no Teatro Principal de Ourense](https://img.lavdg.com/sc/WsWRGl2UObfxSBlogK_OsS-cbuQ=/480x/2023/04/08/00121680946262800677231/Foto/O30M2026.jpg)
Producións Teatrais Excéntricas levou a obra de Vicente Risco aos escenarios
11 abr 2023 . Actualizado a las 05:00 h.Os premios María Casares de teatro galego tiveron na compañía A Panadaría e a súa montaxe «As que limpan» as súas principais protagonistas. Catro galardóns recolleron as actrices do grupo: os de mellor espectáculo, mellor actriz protagonista (Noelia Castro), mellor dirección e texto orixinal.
A gala anual do teatro galego, celebrada no Rosalía de Castro de A Coruña, tamén tivo un destacado protagonismo ourensán, xa que a montaxe «O porco de pé» fíxose con tres dos galardóns e o carballiñés Diego Valeiras viu recoñecido o seu traballo.
Producións Teatrais Excéntricas, o proxecto escénico que lidera Quico Cadaval, adaptou o texto orixinal de Vicente Risco do mesmo título para levalo ao teatro. A versión de «O porco de pé» estreouse en marzo do pasado ano no Teatro Principal de Ourense e o xurado dos María Casares recoñeceu con tres premios a proposta. Para Carlos Alonso foi un dos galardoados, neste caso polo vestiario da montaxe. Quico Cadaval e Pepe Sendón conseguiron o premio no apartado de «Mellor adaptación/tradución» e para Evaristo Calvo foi o María Casares ao mellor actor secundario.
O carballiñés Diego Valeiras, profesor da Escola Superior de Arte Dramática de Galicia, levouse o premio á mellor maquillaxe por seu traballo en «Papagena», da compañía ButacaZero.