O delegado territorial en Ourense recibiu a representantes da xunta directiva
04 ene 2025 . Actualizado a las 17:25 h.O delegado territorial da Xunta en Ourense, Manuel Pardo, recibiu este venres a unha representación da xunta directiva da Coral de Ruada. No encontro, o máximo representante do goberno galego na provincia aproveitou para felicitar á entidade pola concesión do Premio Otero Pedrayo 2024. Pardo destacou a súa «traxectoria de máis dun século levando a música tradicional galega a grandes festivais nacionais e internacionais», así como a súa tarefa de promoción de actividades como o teatro ou a música. Ademais, recordou que a Xunta está tramitando a declaración de Ben de Interese Cultural (BIC) para a música e o baile galegos.