A Deputación de Ourense convoca o Premio de Novela Eduardo Blanco Amor, dotado con 15.000 euros
OURENSE
A Xunta de Goberno da institución aprobou 353.000 euros en subvencións para diversos proxectos
13 may 2025 . Actualizado a las 05:00 h.O Premio de Novela Eduardo Blanco-Amor chegará este ano á súa edición número 44. Así o decidiu a Xunta de Goberno da Deputación de Ourense, que na súa reunión deste luns aprobou as bases reguladoras e a convocatoria do galardón.
Está dotado con 15.000 euros e leva implícita a publicación da obra gañadora por parte dunha editorial escollida polo autor. «O Premio Eduardo Blanco-Amor é o galardón máis veterano e de maior prestixio da novela en lingua galega», di un comunicado difundido pola institución ourensá.
Nesa mesma reunión, a Xunta de Gobierno da Deputación deu luz verde a 353.000 euros en subvencións para diversos proxectos, a maior parte deles impulsados polos concellos da provincia. Tamén quedou resolto o concurso de axudas para asociacións veciñais, que repartiu 43.000 euros.