Unha conferencia e visitas gratuítas ao CITA de Pontevedra polo Día Internacional dos Museos
![Alfredo López Penide](https://img.lavdg.com/sc/NKpMGimiaSDk5tloIymUM6TzPsk=/75x75/perfiles/175/1623322863108_thumb.jpg)
PONTEVEDRA
![](https://img.lavdg.com/sc/5v5qFUbJFWEg4j9kQAJ2ftzECYk=/480x/2024/05/16/00121715878082304681776/Foto/p4j9107.jpg)
O Museo Massó premite gozar da experiencia inmersiva «Unha salgadura que ven e vai»
16 may 2024 . Actualizado a las 19:02 h.No marco do Día Internacional dos Museos que se desenvolve este sábado baixo o lema de Museos pola educación e a investigación, o CITA (Centro de Interpretación das Torres Arcebispais de Pontevedra) levará a cabo unha serie de accións. Así, e segundo precisaron dende o concello, se habilitará a visita gratuíta para todo tipo de públicos no seu horario habitual de apertura de 10 a 14 horas e de 17 a 21 horas.
De igual xeito, ás 20 horas, Diego Piay Augusto, licenciado en Historia pola Universidade de Santiago coas especialidades de Historia Antiga e Arqueoloxía e doutor en Historia, disertará sobre A espada ao servizo da igrexa: vida e morte de Prisciliano.
A celebración do Día Internacional dos Museos, segundo destacan dende o Consello Internacional de Museos (ICOM) ten como obxectivo sensibilizar sobre o feito de que «os museos son un medio importante para os intercambios culturais, o enriquecemento de culturas, o avance do entendemento mutuo, a cooperación e a paz entre os pobos».
En Bueu
Pola súa banda, o Museo Massó de Bueu ofrecerá, tanto o sábado como o domingo, en horario de 11 a 14 horas, a posibilidade de gozar coa experiencia inmersiva a través do tempo denominada Unha salgadura que ven e vai.