Afundación de Pontevedra traslada aos escolares o vinculo de Castelao co Café Moderno
PONTEVEDRA
No marco do Ano Castelao, Afundación súmase a esta conmemoración impulsado diferentes actividades culturais co obxectivo de achegar a públicos diversos a figura do insigne intelectual e político rianxeiro. No caso da cidade de Pontevedra, isto traducirase en dúas propostas didácticas para escolares de infantil e primaria enmarcadas na súa relación co Café Moderno, onde participou en numerosos faladoiros ao longo dos vinte anos que viviu na Boa Vila.
Deste xeito, e baixo a denominación de 175 debuxos de Castelao, 42 estudantes do CEIP Xunqueira II acudirán este venres ao Café Moderno para, non só adentrarse na figura de Casteñao, senón coñecer aos «distintos personaxes que participaron nos faladoiros» que se desenvolveron neste espazo e que están «representados no grupo escultórico do artista César Lombera, situado no centro da Praza de San Xosé, e cuxo bosquexo pode verse no interior do edificio».
De igual xeito, afondarase na historia do edificio a través do rianxeiro e das súas distintas facetas, como pintor, escritor, político, humorista gráfico, médico… «Na proposta didáctica deseñada para escolares de infantil a terceiro de primaria, os participantes atoparanse con que Castelao se escapou dos outros contertulios para poder conversar coas novas xeracións, pero para iso deberán atopalo nalgún dos recunchos do edificio onde se escondeu», precisaron.
No caso dos alumnos a partir de cuarto de primaria, «poderán reconstruír a historia do edificio con Castelao como guía, a quen poderán ter moi presente a través do seu holograma, un percorrido no que deberán demostrar as súas habilidades artísticas»».