Impulsan movilizacións no CEIP San Clemente de Caldas pola terceira unidade de Infantil

As familias do CEIP San Clemente de Caldas de Reis acordaron este venres iniciar un calendario de mobilizacións para reclamar a terceira unidade de Educación Infantil, «suprimida no presente curso por un erro á hora de contabilizar o alumnado». Neste sentido, lamentan que a Xunta se nega a recuperar para o 2025-2026 «a pesar da existencia de matrícula suficiente».

Critican unha actitude da Consellería de Educación que consideran é «contraria ao que transmitiu verbalmente á comunidade educativa e tamén aos seus propios criterios, explicitados nunha resposta á Valedora do Pobo». Ao tempo, advirten de que un neno da parroquia «non poderían escolarizarse no centro», polo que, a longo prazo, «temen que poida acabar provocando a desaparición do propio colexio».

As familias recordan que, tras os escritos enviados a Educación polo claustro, o Consello Escolar e a ANPA, iniciouse unha recollida de sinaturas que supera xa o milleiro de apoios e da que se fará entrega nos vindeiros días. «Será o primeiro dos actos cos que as famiilias amosarán a súa oposición a esta decisión», engadiron.

Ademais, solicitaron unha reunión co secretario xeral de Centros, Jesús Álvarez, «xa que dende a Xefatura Territorial de Educación se lles informou que a súa demanda conta con informes favorables tanto do inspector como do propio xefe territorial, polo que a decisión final depende de Santiago».

---

---

---