Tocarán temas do seu primeiro traballo discográfico, «Smoke gets in your eyes»
13 dic 2025 . Actualizado a las 05:00 h.Este sábado continua o ciclo Outono de Jazz programando na Praza da Peregrina (12.00 horas) un concerto de Sunil López Trío. En caso de choiva, está previsto que a actuación se desprace ata o palco de música da Alameda de Pontevedra.
Dende o Seminario Permanente de Jazz (SPJ) destacaron que Sunil López «é un dos novos valores do jazz nacional», de tal xeito que o pianista e compositor vigués acompáñase de Alex Touceda, ao contrabaixo, e Chus Pazos, á batería. En Pontevedra, «vén de presentar o seu primeiro álbum —Smoke gets in your eyes—, do que amosará algunhas cancións, pero tamén parte do material inédito no que está a traballar», engadiron.