Loita Amada pecha xira en Santiago cun concerto especial con artistas convidados como Tanxugueiras, Hugo GZ e Xiana Lastra

Venres 17 • 20.30 horas • Sala Capitol • Desde 10,50 euros • A banda Loita Amada, con Jásper —antigo líder de Nao— como vocalista, pechará este venres a súa xira co disco «Rematou o simulacro» cun concerto especial en Santiago no que contarán con varias colaboracións. Así, estarán acompañados no escenario por Tanxugueiras, Hugo GZ e Álex Arnoso (ex-SondaRúa), Xiana Lastra (A Banda da Loba) e Luken Arkarazo, entre outros.

Ademais, Loita Amada contará coa compañía de Odolarem Mintzoa, banda vasca que está coa súa xira final e que o venres dará o seu último concerto en Galicia.

---

---

---