As actividades están ligadas á mostra «Ollos de vidro», que se pode visitar no Auditorio de Galicia
29 mar 2025 . Actualizado a las 04:55 h.Castelao convértese en protagonista no Auditorio de Galicia. Hoxe, como actividades complementarias á exposición «Ollos de vidro. As formas doutra historia de Galicia», haberá un faladoiro sobre o seu discurso político e social, e un obradoiro de debuxo para rapazada da man de Kiko da Silva a partir do volume «Cousas».
Ás 12.30 horas, a sala Isaac Díaz Pardo —que acolle a mostra— será o espazo do encontro «Memorias dun esquelete: o retorno do Castelao», un faladoiro no que participarán Tareixa Navaza, Xan Carballa, Jorge Linheira e Germán Labrador con Branca Novoneyra como moderadora. En paralelo, será o obradoiro de debuxo (era precisa inscrición previa).
O programa da xornada complétase coa representación de «Castelao» (18 horas, Auditorio de Galicia, 3 euros). Trátase dunha peza para público familiar protagonizada por Mónica Caamaño e Cris Collazo no que dan vida ao neno Castelao.