Christian Gálvez, Pedro Feijoo e José Zoilo abordarán a historia galega máis descoñecida en Santiago

As xornadas Compostela Histórica, que se desenvolverán os días 26 e 27 de setembro en Santiago, abordarán os aspectos menos coñecidos da historia de Galicia. Para iso contarán con escritores, músicos, arqueólogos , historiadores e investigadores, entre os que se atopan Christian Gálvez, Pedro Feijoo, Bieito Romero, Lidia Merenciano, José Zoilo e Merche Espiño.

As xornadas están impulsadas pola Xunta a través da Consellería de Cultura e desenvolveranse no instituto Rosalía de Castro. A mañá do día 26 estará dirixida exclusivamente a estudantes de secundaria, mentres que no resto da programación poderá participar o público xeral. A inscrición está aberta a través do portal www.compostelahistorica.org. O secretario xeral da Lingua, Valentín García, presentou onte a actividade xunto ao novelista e profesor compostelán Rodrigo Costoya, encargado de dirixila.

A primeira charla para o público xeral será a cargo de Bieito Romero, que bordará a música celta. Seguiralle Christian Gálvez, que profundará na vida do apóstolo Santiago. Tamén nesa primeira xornada intervirán Pedro Feijoo e Julio Rodríguez. O sábado, con conferencias mañá e tarde, será a quenda de Lidia Merenciano, José Zoilo, Luis e Alejandro Paadín, Xosé Iglesias, Merche Espiño, Carmen Blanco e Fernando Patricio Cortizo.

---

---

---