Abel Caballero leu o bando do Día das Letras Galegas
18 may 2024 . Actualizado a las 05:00 h.O alcalde de Vigo, Abel Caballero, fíxose cargo onte da lectura do Bando do Día das Letras Galegas elaborado por Anxo Angueira, profesor de Filoloxía na Universidade de Vigo, experto na obra rosaliana, presidente da Fundación Rosalía de Castro e último membro da Real Academia Galega.
O rexedor municipal, flanqueado polos seus concelleiros e escoltado por un grupo de baile galego, leu o texto de Angueira no que lembra a importancia da data do 17 de maio na Galicia contemporánea e, no caso de Vigo, a pegada da lingua no seu Casco Vello, «aquel soño de Compañel que era a esperanza de Rosalía e a ilusión de toda unha xeración».