A Autoridade Portuaria Ferrol-San Cibrao investirá preto de cen mil euros en acondicionar este entorno costeiro
27 feb 2011 . Actualizado a las 06:00 h.As obras que vai acometer a Autoridade Portuaria Ferrol-San Cibrao no entorno do faro de Punta Roncadoira supoñen «un reto persoal» alcanzado por parte do alcalde de Xove, o popular Demetrio Salgueiro Rapa. Destaca o empeño do goberno que preside en conseguir esta inversión, que ronda os cen mil euros, e agradece o apoio brindado pola Autoridade Portuaria (AP).
-Con esta actuación complétase o acondicionamento do entorno do faro de Punta Roncadoira.
-Esta obra tivo dúas fases. A primeira foi a mellora do vial de acceso desde Vilachá, no cruce da estrada provincial, ata a explanada do faro. Botóuselle aglomerado quente e aproveitouse para ensanchar o vial, mellorando así a seguridade na zona de acceso. Fíxose en 2009. Agora quedaba a segunda fase, o acondicionamento do entorno do faro como mirador e conseguimos que a AP o metera nos orzamentos deste año.
-¿En que vai consistir a obra?
-Vai supoñer unha mellora importante tanto na seguridade (antes había unha barandilla de madeira, moi deteriorada), cunha balaustrada de pedra e un pretil arredor do faro. A subida ao faro vai ir empedrada para poder ir a pé dende a explanada que se utiliza como aparcamento. A acera aproveitarase como mirador. Os materiais son autóctonos, pedra, e aúnase un acabado rústico cunha mellora da seguridade, necesaria porque é unha zona bastante abrupta, cunha baixada do terreo.
-É un dos lugares máis bonitos da costa de Xove.
-E dos máis visitados, é un dos principais focos turísticos do municipio. En verán achégase moita xente á oficina de turismo a preguntar polo faro. Esta obra é moi boa, insistimos desde o principio. Dentro dun mes xa vai ser unha realidade, tanto para os veciños como para os visitantes. Vai embelecer aínda máis a zona, totalmente natural. Recordo ir a Mallorca e estar no faro de Formentor..., pensaba no de Punta Roncadoira, nunha costa totalmente virxe, protexida, en pleno contacto coa natureza, un lugar onde evadirse dos problemas cotiás. Entre todos temos que coidar e potenciar o que temos e desde a administración témonos que preocupar do desenrolo sostible, para que no futuro se poda seguir disfrutando destes sitios.
demetrio salgueiro rapa alcalde de xove