Máis dunha vintena de aloitadoras e aloitadores colaboraron nas tarefas de rapa e marcado de cabalos e eguas
21 jul 2024 . Actualizado a las 11:19 h.A Rapa das Bestas de Neipín, na Pontenova, estreouse onte da man da asociación Equus Norte e coa colaboración da Vicepresidencia da Deputación de Lugo. Máis dunha vintena de aloitadoras e aloitadores colaboraron nas tarefas de rapa e marcado de cabalos e eguas. A actividade mantívose ao longo da xornada cun xantar, animación musical e un espectáculo de doma.
O deputado de Medio Rural, Daniel García, felicitouse «polo nacemento da terceira rapa da Mariña, para impulsar o recoñecemento social da gandeiría e especialmente da cría en extensivo, na conservación do territorio e da vida no rural».
A área de Rural da Vicepresidencia da Deputación fixo unha achega para a instalación do curro. Tamén colabora na financiación da degustación da carne de poldro de pura raza galega que se realizou o venres nos locais da vila da man de Puraga.