O Umia C.F. recibe na Bouza a un Bovedana que marca o inicio da zona de permanencia

Partido crucial na pelexa pola permanencia do Umia C.F. na Tercera Federación de Fútbol Femenino. Hoxe, desde as cinco da tarde no seu campo da Bouza, o cadro que dirixe o vilagarcián Luis Treviño recibe o C.D. Bovedana. Un rival do que o separan 4 puntos e que ocupa a dudodécima praza do Grupo 1, a primeira que proporciona a salvación ao termo da competición.

A delicada situación do Bovedana propiciou hai pouco un troco de adestrador. Un empate, ante o Mos (1-1), hoxe sexto, e dúas vitorias, fronte o Llanera (0-1), décimo terceiro, e o Victoria FC (3-0), oitavo, falan dun rival rearmado. O mesmo que o Umia, logo de gañar, baixo a batuta de Luis Treviño, nas súas tres últimas comparecencias na Bouza: ao Lóstrego, hoxe quinto na táboa (2-1), ao Real Oviedo B (2-0), décimo, e ao Sporting de Gijón B (4-3), undécimo.

O técnico do Umia amosou gran preocupación por un adversario de «juego directo y muy aguerrido, un tipo de rival para el que no tenemos armas suficientes con las que enfrentarnos», di, por canto o seu é un equipo de manexo do balón. Por riba, Treviño perde a súa lateral esquerda, Nerea Gago, por pneumonía, se ben recupera a Marta Méndez tras meses de baixa.

---

---

---