Un podio da Asociación Vilagarcía Esgrima na nova proba do ránking galego
AROUSA
O AVE participou con dez tiradores nos cadros infantís e absolutos que se disputaron na Coruña e en Santiago a pasada fin de semana
13 feb 2025 . Actualizado a las 05:00 h.A Asociación Vilagarcía Esgrima (AVE) participou a pasada fin de semana en cadansúa probas do Ránking Galego Infantil e Absoluto de Esgrima, con resultados dispares.
O sábado, na sala de esgrima da Casa da Auga da Coruña, Darío Aguado colgouse o bronce na categoría sub-11. Sexto na xeral das poules, derrotou a Rivas, do Z100T da Coruña, nos dezaseisavos de final, a Amelia Fernández, do COMES de Santiago, en oitavos (10-3), o santiagués Xoel Díaz (10-8), en cuartos, caendo nas semifinais con Alicia Mourelle, do COMES, por 7-4. Os compañeiros de Aguado Roque Devesa, Xabier Camba e Yago Cruz remataron respectivamente sexto, oitavo e décimo oitavo no cadro sub-13.
O domingo, na proba absoluta de espada en Santiago, Clara Viñayo, Laura Gómez e Elena Fernández foron 13.ª, 14.ª e 16.ª en féminas, mentres os seus compañeiros do AVE Manuel Antón, Caio Rodríguez, Jorge Rodríguez e David García remataron nos postos 21.º, 24.º, 26.º e 27.º no cadro masculino.