As tres accións previstas para este sábado na praza de Galicia terán que desenvolverse a cuberto
10 may 2025 . Actualizado a las 05:00 h.O mal tempo previsto para a fin de semana obriga a trasladar o ciclo Muller e Cultura que, que o departamento municipal de Igualdade está a desenvolver en Vilagarcía. Os tres actos previstos para a mañá deste sábado na praza de Galicia pasan ao Salón García. Trátase de Onde pousa a humidade, de Marcia Vázquez (12 horas), Estender coma se puidera, de Julia Laport (12.30), e Magneto I, do colectivo RPM (13 horas). Todas as actividades son de balde e con entrada libre.
Os obradoiros da tarde manteñen a súa localización a cuberto. Son iniciación ás danzas urbanas, na antiga biblioteca, e danza para persoas maiores, no pavillón Castelao. Ambas son ás 17 horas e precisan inscrición previa. CodArte Teatro pecha o ciclo o domingo, ás 13 horas, na Peixería.