Haberá proxeccións cada xoves do mes, con entrada de balde
06 feb 2025 . Actualizado a las 11:43 h.O cineclube Entrecortiñas da Illa inicia co novo mes outro ciclo de cine, neste caso dedicado a México, coa colaboración do Instituto Cultural de México en España, e o Instituto Mexicano de Cinematografía. A primeira proxección será este xoves 6 con Tiempo de lluvia, de Itandehui Jansen; o día 13 será a quenda de Todo el mundo tiene a alguien menos yo, de Raúl Fuentes; o día 20 chegará El sueño del Mara'akame, de Federico Cechetti, e o 27 de febreiro, La revolución de los alcatraces, de Luciana Kaplan.
Todas a proxecións serán no auditorio municipal, a partir das 20 horas, con entrada de balde.