O equipo vilagarcián impúxose nos seus dous partidos en Zaragoza, e o cambadés caeu na casa co segundo, o Oroso
08 mar 2016 . Actualizado a las 05:00 h.A xornada 16 do Grupo 1 da División de Honra permitíulle ao Cocinas Bulthaup Galicia, o primeiro plantel do Liceo Casino de Vilagarcía, relevar o Establecimientos Otero do terceiro e último posto con dereito a xogar a fase de ascenso á Superdivisión ao termo da fase regular da Liga.
O cadro vilagarcián superou con sendos 3-4 o C.N. Helios, o sábado, e o Publimax CAI Santiago de Zaragoza, o domingo, co dobres formado por Sergei Nigeruk e Andrés Correa decantando a balanza. No primeiro caso cun apurado 2-3 e no segundo por 0-3.
O E. Otero, pola contra, caeu 2-4 co segundo clasificado, o Oroso T.M. do ribadumiense Marcos Sanmartín. O Cocinas Bulthaup é terceiro con 20 puntos, os mesmos có E. Otero, cuarto, pero este con dous partidos máis xogados.