Cambados e Vilagarcía procuran a salvación a dúas marchas distintas

Tenis de Mesa O cadro capitalino pretende encarrilar a permanencia pola vía rápida no inicio da segunda volta; o veciño, pelexala ata o final


A Liga de Superdivisión de tenis de mesa reiníciase tras tres semanas de parón navideño. Cos seus doce equipos iniciando a segunda volta, ben é certo, con cinco deles, incluído o Cambados T.M., pendentes inda de dirimir un partido da primeira -no caso do Cajasur Priego T.M., segundo na clasificación, dous-.

Os dous conxuntos arousáns que compiten na máxima categoría española miran o horizonte co reto de evitar as dúas últimas prazas, que condenarán os seus ocupantes a xogar na División de Honra a vindeira tempada. Unha delas, a que pecha a táboa, ocupada hoxe polo Vilagarcía T.M. con 3 puntos, 1 menos có Visit Pontevedra e 2 por debaixo do Cambados T.M., antepenúltimo. Vilagarcía e Cambados aspiran a saír airosos da empresa, se ben a dúas velocidades ben diferentes.

O cadro capitalino recibirá mañá domingo ás 11 no pavillón da rúa Castelao nada menos co Arteal T.M., líder da competición. Con todo, o responsable do Vilagarcía T.M., Antonio Castro, nin moito menos descarta comezar aquí o rápido ascenso que pretende ver por parte do seu equipo, tras o vencemento da sanción federativa que lles impedía competir aos seus dous xogadores franquicia. Co belga Jeam Lauric e co checo Michal Obeslo confirmados por Castro nas aliñacións dos catro próximos compromisos ligueiros do Vilagarcía T.M. Isto é, o do Arteal, e os que xogará despois en Burgos, co Vincios na casa, e na cancha do Visit Pontevedra xunto con Sergei Nigeruk, como esta semana, ou co cubano Renier Cabezas. «Intentaremos que Lauric y que Obeslo jueguen la mayoría de los partidos. Hay que echar el resto. Estamos de últimos, pero muy de últimos -o cuarto pola cola da clasificación, o Vincios, sácalle 5 puntos-», declara Antonio Castro, cuxos plans pasan por «en 3-4 jornadas salir de la zona de descenso».

Pola súa banda, e co partido co Irún da primeira volta pendente inda, o Cambados xogará mañá no Pombal desde as dez e media co equipo que ten inmediatamente por riba na clasificación. Faráo co alemán de orixe chinesa Qiu Liang, con Fernando Padín e con José Manuel Ruiz, que xunto co ruso Stefan Shaposhnikov repetirán o cuarteto co que o recén ascendido aspira a transformar parte dos seus cinco empates na primeira volta en vitorias na segunda, e multiplicar a súa ratio dun punto sumado por cada catro en xogo. Sabendo que a súa será unha carreira de fondo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Cambados e Vilagarcía procuran a salvación a dúas marchas distintas