Filgueira Valverde será a figura protagonista da oferta cultural desta fin de semana
14 may 2015 . Actualizado a las 05:00 h.Tamén o departamento de Cultura de Noia ten previstas varias propostas para a xornada do domingo. A inauguración dunha Mostra Filatélica na casa de cultura marcará o inicio dun programa que inclúe a tradicional ofrenda floral ante os bustos de Antón Avilés e María Mariño. Pola tarde (20.30) celebrarase un concerto de corais na igrexa de San Francisco.
Maxi Olariaga
Sen saír da vila noiesa, o Museo do Mar tamén conta con programación propia. Maxi Olariaga acompañará a Emilio García Portosín na presentación do seu libro Unha nova odisea, e acto seguido celebrarase un recital no que intervirán coñecidos poetas da bisbarra.
Pola súa parte, o Irish Pub O?Lar de Noia ten programados un monólogo, un concerto e un recital poético para as noites desta fin de semana.
Outra cita que se vai asentando no calendario ano tras ano é a Festa de 1906, que organiza o colectivo rianxeiro Antrospinos. Campo de Pasos, en Taragoña, será igual que nos últimos anos o epicentro da actividade, que comezará ás 11.00 coa apertura dun mercado tradicional e artesanal. Haberá xantar, música tradicional, torneo de escoba e as actuacións de Leo Arremecághona e Os Perucos. Pola súa banda, o sábado, no salón de actos do auditorio de Rianxo, Pepe Barro presentará Tres Rosalías, unha exposición oral ilustrada.
Os Bolechas
O Concello da Pobra tamén ten prevista unha ampla programación que comeza hoxe (17.30) cunha gran festa con obradoiros, xogos e música. Ademais, os cativos recibirán como agasallo o libo Os Bolechas no Barbanza. Isto será na casa de cultura, mentres que o auditorio do Museo Valle-Inclán dará cabida mañá (20.30) á presentación da guía Persoeiros da Cultura. Arousa Norte, de Xoán Pastor Rodríguez Santamaría. Varios grupos de gaitas e pandereteiras porán música á festa das letras o sábado e o domingo con actuacións nas rúas da vila.
En Lousame, a banda de música municipal ofrecerá un concerto mañá ás 20.30 na casa de cultura, o mesmo escenario no que o sábado haberá unha festa infantil con obradoiros culturais e xogos para cativos de 5 a 12 anos.
Un amplo programa é o que ten previsto o Concello ribeirense para celebrar o Día das Letras, comezando por un concerto da Coral Polifónica Municipal de Ribeira e a de Betanzos que será o sábado, e rematando cunha gran festa que inclúe teatro, inchables e música para os nenos en Aguiño.
Calle peonil de Boiro e finca de Goiáns
Día: Domingo
Horario: A partir das 11.00 horas
Noia
Día: Domingo
Horario: 12.00 horas
Campo de Pasos (Taragoña)
Día: Domingo
Horario: 11.00 horas
Museo do Mar de Noia
Día: Sábado
Horario: 20.15 horas
A Pobra
Día: Hoxe, mañá, sábado e domingo
Igrexa de Santa Uxía (Ribeira)
Día: Sábado
Horario: 19.45 horas
Conservatorio de Aguiño
Día: Domingo
Horario: 12.00 horas
Auditorio de Rianxo
Día: Sábado
Horario: 20.30 horas
Casa de cultura de Lousame
Día: Mañá e o sábado
Horario: 20.30 e 10.30 horas
O?Lar (Noia)
Día: Mañá, sábado e domingo
Horario: 22.00 horas