O actor cormelán Suso Lista pasou o anterior verán gravando a serie Para mariñeiros, nós, que emite V Televisión. «Case non daba tempo a vivilo, pero este ano tomámolo con máis calma», asegura. Lista é un home humilde e non se considera o máis famoso de Corme. Tamén asegura que non hai rivalidade co seu compañeiro de serie, Cobiñas, que é de Laxe. Di con rotundidade que ten grandes amigos na vila do outro lado da ría, pero recorda que, «segundo as malas linguas, Corme ten unha cousa mala: desde alí vese Laxe», di entre gargalladas. O bo é que «en Corme temos un microclima. É abrigado do nordés e cando quenta o sol isto parece Puerto Banús».
o verÁn de... SUSO LISTA
-Comida e bebida.
-Percebes do Roncudo e viño, como nos aprendían de pequenos.
-Praia favorita.
-Praia do Osmo (Corme).
-Non sae da casa sen...
-Chaves, teléfono, un caderno e un bolígrafo.
-O mellor e o peor do día.
-Os mellores son todos. O peor é erguerse da cama.
-¿Romarías ou verbenas?
-Gústame todo o que sexa festa. Non se entende unha romaría onde só vai se comer.
-Gasta pista con...
-El Tío Pío, de El Parga.
-No verán infórmase...
-O xornal, no bar, e Internet.
-A viaxe deste verán.
-A O Courel. Son de mar, pero gústame moito o bosque.