Bocados de historia: os Pinchos Irmandiños de Vimianzo, un a un

Patricia Blanco
P. Blanco CARBALLO / LA VOZ

CARBALLO

A 13.ª edición dos Pinchos, antesala do Asalto, xa se serve en 12 establecementos

28 jun 2022 . Actualizado a las 23:19 h.

Tres visitas guiadas ao castelo, a sexta edición da Legua Irmandiña, o sábado, e a ruta teatral de subida á Cruz do Loureiro, este pasado domingo, foron ata o de agora a antesala do Asalto ao Castelo, cuxa 25.ª edición chegará este venres e sábado aos seus días máis grandes. Tamén está en marcha a Semana Medieval dentro de campamento Vimiverán e, este martes, ademais da Mostra de Artesanía en vivo, botou a andar unha das propostas máis esperadas, porque ten que ver co estómago. Doce locais hostaleiros de Vimianzo ofrecerán, ata o vindeiro sábado, outros tantos Pinchos Irmandiños, na que é xa a 13.ª edición da iniciativa. De 12.00 a 15.00 e de 19.00 a 23.00 horas: este é o horario mínimo para que o cliente acuda a consumir petiscos enlazados co Medievo a través dos seus ingredientes ou de sonoros nomes como o «porco con bólas caídas da catapulta», no caso de A Lareira; «tetiñas da condesa» de Pan Ignacio; ou «Enrolado da Santa Irmandade», de O Agocho.

Non foron estes dous anos de atrás, coa pandemia, nada bos para a hostalaría, mais como se dixo na presentación destes Pinchos Irmandiños, o sector foi quen de volver xuntarse e de ofrecer unha das propostas con mellor acollida: «Conseguiremos sacar o traballo adiante». Excelentes bocados de historia que non só sitúan ao veciño e ao visitante no ambiente da festa, senón que amosan o nivel da cociña soneirá, en doce e en salgado.

Volven os agasallos para os que acaben a ruta

O prezo de cada un dos pinchos irmandiños que estes días se van servir en Vimianzo será de 2,50 euros; tres, no caso de que inclúa un quinto ou auga. Volven, ademais, os agasallos irmandiños para aquelas persoas que selen a ruta completa (12 paradas, por tanto). A cartoliña terase que depositar no café bar A Rúa, no restaurante Vía Rápida ou no restaurante Montevideo. Deberá ter todos os datos de contacto correctamente cubertos, indicando ademais o que, na súa opinión, foi o mellor pincho e o local mellor decorado. Entre todos os que completen o itinerario sorteara un lote de produtos acorde ao peso do galardoado.

El alquiler y compra de trajes medievales para el Asalto, a toda mecha en la Praza

P. Blanco

Un Vimianzo engalanado avanza la proximidad de algunos de sus días más grandes: viene el Asalto. La estética de época tiene mucha relevancia y, de hecho, los atavíos para la celebración se han convertido en capitales. Desde la pasada semana, un estand en la Praza do Concello permite alquilar o comprar trajes de época para todas las edades. Abrió los primeros días de 19.00 a 21.00, pero esta semana está también en horario de mañana, de 12.00 a 14.00. «Ademais de traxes medievais, temos tamén merchandising, camisetas, que xa empezamos a vender en abril, e tazas e barallas, a novidade deste ano», indica Adriana Hermida.

Seguir leyendo