Julia Ures presentará este venres en Cee Poemas, tradución ao galego de versos do bardo
20 feb 2025 . Actualizado a las 05:00 h.Bos amigos e referentes do Rexurdimento foron Rosalía de Castro e Eduardo Pondal. As conexións entre ambos exploraranse esta fin de semana cun intercambio de mocidade promovido dende o Concello de Muxía e a Fundación Pondal, mais tamén haberá outro xeito de achegarse ao bardo, dende Cee. Será mañá, ás 19.30 horas, na biblioteca Francisco Mayán: «O poeta pontecesán Eduardo Pondal volve ao mundo dos vivos e faino grazas ao novo libro Poemas. Julia Ures Villar vén de publicar na Editorial Polibea unha serie de traducións de poemas do bardo», avanza o Concello. Ures, cofundadora do colectivo Ponteceso Cultura Permanente, é licenciada en Filoloxía Galego-Portuguesa. Presentou Poemas xa no Parador de Muxía e na Casa de Galicia de Madrid.